logo_geo
eng_logo
გია გაბრიჭიძე: რატომ კვირიკაშვილის გაპრემიერებისას არ ალაპარაკდა მამუკა ქვეყნის მიტაცებაზე?
- +

12 სექტემბერი. 2019. 21:11

 

ჟურნალისტი გია გაბრიჭიძე სოციალურ ქსელში შემდეგი სახის პოსტს აქვეყნებს:

 

„ინგა გრიგოლია, ერთი თხოვნა მაქვს შენთან, თუ შეგიძლია, რომ ბატონი მამუკა ხაზარაძე ამ თემებსაც შეეხოს: გუშინ ხაზარაძე მიტაცებულ სახელმწიფოზე ლაპარაკობდა - ივანიშვილმა თავისი პირადი დაცვის უფროსი შს მინისტრად დანიშნა, პირადი ექიმი - ჯანდაცვის მინისტრად, ხოლო პირადი ადვოკატი პროკურორად და ამის გამო მიტაცებული აქვს ოლიგარქს ეს ქვეყანა, აბა სხვა რა ჰქვია ამასო.

 

ჰოდა, ასეთი შეკითხვები გამიჩნდა: კვირიკაშვილი მთლად ივანიშვილის პირადი ბანკირი იყო და პრემიერად დანიშნა, მის კაბინეტში კი სერგეენკო, ასევე ივანიშვილის პირადი ექიმი - ჯანდაცვის მინისტრის სკამზე იჯდა (თუ საჩხერის საავადმყოფოს უფროსს პირადი ექიმი შეიძლება ეწოდოს, მაშინ „ქართუ ბანკის“ გენერალური დირექტორი 100% პირადი ბანკირია), ხოლო ვახო გომელაურს მაშინ უფრო მეტი, ვიდრე ახლა - ქვეყნის უშიშროება ებარა. რატომ მაშინ არ ალაპარაკდა მამუკა ქვეყნის მიტაცებაზე? იმიტომ ხომ არა, რომ ქვეყნის პირველი პირი, საქართველოს პრემიერ-მინისტრი კვირიკაშვილი ჯიბეში ეჯდა და ივანიშვილმა ხელიდან გამოსტაცა მას ქვეყანა? ეს მეორე გამოტაცება იყო ივანიშვილის ბიოგრაფიაში. ჯერ მიშას და მის დიქტატურას გამოსტაცა ქვეყანა ხელიდან და მერე ხაზარაძეს მის ოლიგარქიას. ისე, თუ რამის მიტაცებაზეა ლაპარაკი, ჯერ ის მიტაცებული 17 მილიონი დააბრუნოს, ბანკის კაპიტალის თითქმის 20% რომ შეადგენს და მეანებრეებს რომ მოპარა. ქვეყნის „პრიხვატიზებია“ რომ არ გამოუვიდა, თამასა დასწია და ახლა რაგბის და მისი სიმბოლოს, პრივატიზაცია სცადა. დღეს თავის მოძრაობას „ლელო“ დაარქვა. რაგბი ხომ მისი თამაშია, ბოლო-ბოლო კაცს მილიონი აქვს ჩადებული სპორტის ამ სახეობის განვითარებაში... მაგრამ ივანიშვილმა 200 მილიონი რომ ჩადო ქართულ რაგბიში და არსად კი გაუპიარებია - როგორ არის ეგ საქმე? როგორც ერთ კარგ რეკლამაშია - იგრძენით განსხვავება! რა ვიცი, ძალიან მინდა ამ კითხვებზე დასმა, თუმცა სად მე და სად ის. ინგა, იქნებ მოასმენინო ქართველ მაყურებელს პასუხები ამ კითხვებზე და მეც საგაზეთო მასალის ის გამოვიყენებ“, - წერს გია გაბრიჭიძე.

 

 

 

right_banner right_banner
არქივი
right_banner