logo_geo
eng_logo
დავით ჩიხელიძე რაფაელ გლუსკმანზე: როცა ევროპარლამენტარი გქვია, როგორც მინიმუმ, მხოლოდ მეუღლის სიტყვებს არ უნდა ენდო
- +

20 მაისი. 2020. 15:52

 

 

„დემოკრატიული ცვლილებების ცენტრის“ ხელმძღვანელი დავით ჩიხელიძე გუშინ ევროპარლამენტში საქართველოს მიერ ასოცირების ხელშეკრულების შესრულების შესახებ ანგარიშის განხილვას გამოეხმაურა.

 

მისი თქმით, საქართველოს მიერ შესრულებულმა სამუშაომ და განხორციელებულმა რეფორმებმა დადებითი შეფასება დაიმსახურა.

 

„გუშინ ევროპარლამენტში საქართველოს მიერ ასოცირების ხელშეკრულების შესრულების შესახებ ანგარიშის განხილვა გაიმართა, ანგარიში ძირითადად საქართველოს მიერ აღებული ვალდებულებების შესრულებას შეეხებოდა, ევროპარლამენტი, საქართველოს მიერ შესრულებულმა სამუშაომ და განხორციელებულმა რეფორმებმა დადებითი შეფასება დაიმსახურა.

 

ასევე, იყო კრიტიკა. სამწუხაროდ, კრიტიკის დიდი ნაწილი იყო სუბიექტური და ფაქტობრივ მტკიცებულებებს მოკლებული, საბედნიეროდ, ევროპარლამენტში მრავლად არიან საქართველოს მეგობრები, რომლებმაც ღიად განაცხადეს, რომ ისინი(ევროკავშირი) არ უნდა ჩაერიონ საქართველოს შიდა საქმეებში, ასევე ითქვა, რომ არ უნდა მოხდეს ინფორმაციის გადამოწმების გარეშე გავრცელება.

 

გუშინდელმა სხდომამ კიდევ ერთხელ გვაჩვენა 21-ე საუკუნის ერთ-ერთი მთავარი გამოწვევა, გამოწვევა, რასაც დეზინფორმაცია ჰქვია. სამწუხაროდ, ხშირ შემთხვევაში ევროპარლამენტარებიც კი გადაუმოწმებელ, მიკერძოებული, დაინტერესებული სუბიექტის მიერ მიწოდებულ ინფორმაციას აჟღერებენ, რაც ყოვლად დაუშვებელია“, - აღნიშნა ჩიხელიძემ.

 

როგორც „დემოკრატიული ცვლილებების ცენტრის“ ხელმძღვანელი ამბობს, ანგარიშის განხილვაში უფრო მეტი და დიდი პოზიტივი იყო, ვიდრე ნეგატივი, მონაწილეთა დიდმა ნაწილმა აღიარა საქართველოს პროგრესი.

 

„როცა ევროპარლამენტარი გქვია, როგორც მინიმუმ, მხოლოდ მეუღლის სიტყვებს არ უნდა ენდო (საუბარი მაქვს რაფაელ გლუსკმანზე, რომელიც ეკატერინე ზღულაძის მეუღლეა, ის ასევე ექს-პრეზიდენტ მიხეილ სააკაშვილისა და უშიშროების საბჭოს მრჩეველი იყო). საერთო ჯამში, ანგარიშის განხილვაში უფრო მეტი და დიდი პოზიტივი იყო, ვიდრე ნეგატივი, მონაწილეთა დიდმა ნაწილმა აღიარა საქართველოს პროგრესი.

 

ყველა თანხმდება, რომ საქართველო ყველაფერს აკეთებს, რათა ევროპის ოჯახის სრულფასოვანი წევრი გახდეს, ახლა ჯერი ევროკავშირზეა, რომელიც ვალდებულია, საქართველოს მიერ გადადგმულ ნაბიჯები ადეკვატურად შეაფასოს. საუბარი ასევე შეეხო, COVID-19-ს. ევროპარლამენტი ერთხმად აღიარებს პანდემიასთან ბრძოლაში საქართველოს წარმატებას, რაც მთავრობის სწორი მუშაობის შედეგია!“ - აცხადებს დავით ჩიხელიძე.

 

 

right_banner right_banner
არქივი
right_banner