logo_geo
eng_logo
სოფიო ქაცარავა: „ქართულ ოცნებას“ აქვს მკაფიო, სწორი და თანმიმდევრული კურსი
- +

10 სექტემბერი. 2019. 23:22

 

ოპოზიციის მიერ სიცრუის ტირაჟირების  ქვეყნისთვის საზიანო შედეგებზე გაამახვილა ყურადღება საგარეო ურთიერთობათა კომიტეტის თავმჯდომარე სოფიო ქაცარავამ ტელეკომპანია „იმედის“ გადაცემაში „პირისპირ“.

 

მისი თქმით, ოპოზიცია მუდმივად ცდილობს, „ქართული ოცნება“ წარმოაჩინოს პრორუსულ ძალად.

 

„ქართული ოცნება“ არის  ყველაზე პროდასავლური პოლიტიკური ძალა დღეს. ჩვენი კურსი არის ძალიან მკაფიო, სწორი, თანმიმდევრული. ჩვენ გვინდა ვიყოთ ევროკავშირის წევრები და NATO-ს წევრები, რისთვისაც საჭიროა დრო და პასუხისმგებლიანი მიდგომა“, - განაცხადა სოფიო ქაცარავამ.

 

ამ თვალსაზრისით ხელისუფლების მიღწევებს შორის მან ვიზა-ლიბერალიზაცია და ევროპასთან ასოცირების შეთანხმება დაასახელა.

 

„რეალობა არის ის, რომ არ არსებობს არცერთი საერთაშორისო პარტნიორი, რომელიც არ აღიარებს, რომ საქართველო არის წარმატებისა და პროგრესის მაგალითი.  ნამდვილად ვერ გამეჯიბრება ოპოზიციის ვერცერთი წევრი იმაში, ვის უფრო სწრაფად უნდა საქართველო ევროკავშირის შემადგენლობაში შევიდეს. მე ყველაზე მეტად მინდა, რომ ეს სწრაფად მოხდეს“, - განაცხადა საგარეო ურთიერთობათა კომიტეტის თავმჯდომარემ.

 

 

 

 

right_banner right_banner
არქივი
right_banner