logo_geo
eng_logo
ანრი ოხანაშვილი: კანონის უზენაესობის ინდექსის მიხედვით, საქართველო აღმოსავლეთ ევროპისა და ცენტრალური აზიის რეგიონებში პირველ ადგილზე გავიდა!
- +

12 მარტი. 2020. 16:17

 

 

„მსოფლიოს მართლმსაჯულების პროექტის“ მიერ წარმოებული კანონის უზენაესობის 2020 წლის ინდექსს საქართველოს პარლამენტის იურიდიულ საკითხთა კომიტეტის თავმჯდომარე ანრი ოხანაშვილი ეხმაურება.

 

 

„მსოფლიოს მართლმსაჯულების პროექტის“ მიერ წარმოებული კანონის უზენაესობის 2020 წლის ინდექსის მიხედვით საქართველო აღმოსავლეთ ევროპისა და ცენტრალური აზიის რეგიონებში პირველ ადგილზე გავიდა!

 

აღნიშნული ინდექსი გულისხმობს კვალიფიციური ექსპერტებისა და მოსახლეობის გამოკითხვის საფუძველზე კანონის უზენაესობის მდგომარეობის შეფასებას მსოფლიოს 128 ქვეყანაში ისეთი კრიტერიუმებით, როგორიცაა სისხლისსამართლებრივი და სამოქალაქოსამართლებრივი მართლმსაჯულება, კანონის აღსრულება, მთავრობის უფლებამოსილება, კორუფციის არარსებობა, ძირითადი უფლებები, მართლწესრიგი და უსაფრთხოება.

 

ეს წარმატება კიდევ ერთხელ ნათლად ასახავს „ქართული ოცნების“ ხელისუფლების მიერ მართლმსაჯულების სფეროში განხორციელებულ წარმატებულ რეფორმებს, რომლებიც, როგორც შესაბამისი ინსტიტუტების ეფექტიან მუშაობასა და მოსახლეობის განწყობებში, ისე საერთაშორისო რეიტინგებში აისახება.

 

ჩვენი გუნდი კვლავ აქტიურად აგრძელებს მუშაობას პროგრესული რეფორმების განხორციელების კუთხით ჩვენი ქვეყნისა და ხალხის სასიკეთოდ“, - აცხადებს ანრი ოხანაშვილი.

 

 

 

right_banner right_banner
არქივი
right_banner