logo_geo
eng_logo
კახა კალაძე: მივმართავ მხარდამჭერებს- არც ერთი ნაბიჯი უკან, ყველას ვაჩვენებთ 2020 წლის საპარლამენტო არჩევნებზე, რას წარმოადგენს „ქართული ოცნება“
- +

15 მაისი. 2020. 23:22

 

 

მინდა, მივმართო ჩვენს მხარდამჭერებს, ჩვენს თანაგუნდელებს, არც ერთი ნაბიჯი უკან, არავითარი თავდახრა, ყველას ვაჩვენებთ 2020 წლის საპარლამენტო არჩევნებზე, რას წარმოადგენს „ქართული ოცნება“ და როგორი მხარდაჭერა აქვს ქართველი ხალხის მხრიდან, – ამის შესახებ დედაქალაქის მერმა, კახა კალაძემ განაცხადა.

 

 

რაც შეეხება რეაქციებს, ეს პირველი შემთხვევა არ არის და თქვენ შეგიძლიათ 2012 წლიდან მოყოლებული ნახოთ სხვადასხვა ტიპის განცხადებები ევროპარლამენტარების, კონგრესმენების მხრიდან სხვადასხვა კონკრეტულ კრიმინალებთან მიმართებაში. ეს სიახლე არ არის ჩვენთვის, გვქონია ეს მოცემულობა. რაც შეეხება ვიცოდით თუ არა პრეზიდენტის გადაწყვეტილების შესახებ, სრული პასუხისმგებლობით ვაცხადებ, რომ ჩვენ ეს ინფორმაცია არ გვქონდა.  თქვენ ვერ გვაჩვენებთ ვერც ერთ პუნქტს, ვერც ერთ სიტყვას იმ შეთანხმებაში, რომელიც გახდა საჯარო, რომ იქ საერთოდ ნახსენები ყოფილიყო კრიმინალების გამოშვება“, – განაცხადა კახა კალაძემ.

 

მისივე თქმით, პრეზიდენტის გადაწყვეტილებას არანაირი კავშირი არ აქვს 8 მარტის შეთანხმებასთან.

 

8 მარტის შეთანხმება რაც იყო სრული პასუხისმგებლობით ვაცხადებთ, რომ ჩვენ მზად ვართ, საარჩევნო სისტემის ცვლილებას დავუჭიროთ მხარი, ეს იყო აღებული ვალდებულება, პასუხისმგებლობა და ზუსტად ამის მცდელობა ჰქონდა ოპონენტებს, რომ ეს გამოეყენებინათ ქვეყნის წინააღმდეგ და ქვეყნის საწინააღმდეგოდ, რაც არ გამოუვიდათ. როგორც პოლიტიკოსს მესმის პრეზიდენტის ამ გადაწყვეტილების და ის განმარტებები, რომელიც მან გააკეთა ზუსტად მიუთითებდა, რომ ოპოზიციას ჰქონდა მცდელობა, საარჩევნო სისტემა არ მიღებულიყო იმ ფორმით, რა ფორმითაც არის დაანონსებული და რაზეც იყო შეთანხმება. ექნებოდათ მცდელობა, რომ ეს ყველაფერი გადაებრალებინათ მმართველ პარტიაზე. ეს სერიოზულ ზიანს გამოიწვევდა ქვეყნის იმიჯის თვალსაზრისით და ხელისუფლების მიმართ, რაც არ გამოვუდათ.

 

მინდა, მივმართო ჩვენს მხარდამჭერებს, ჩვენს თანაგუნდელებს, არც ერთი ნაბიჯი უკან არავითარი თავდახრა ჩვენ ყველას ვაჩვენებთ 2020 წლის საპარლამენტო არჩევნებზე რას წარმოადგენს ქართული ოცნება და როგორი მხარდაჭერა აქვს ქართველი ხალხის მხრიდან“, – განახცადა კახა კალაძემ.

right_banner right_banner
არქივი
right_banner