logo_geo
eng_logo
გიორგი ვოლსკი: წინა ხელისუფლების წარმომადგენლებს აღმშენებლობის რესურსი არ აქვთ
- +

7 აგვისტო. 2020. 16:31

 

 

„ახალგაზრდა თაობამ, რომელსაც ემოციური კავშირი არ აქვს იმ ცოდვის კალოსთან, რაც ჩვენს თავზე დაატრიალეს, უნდა გააცნობიეროს, რომ წინა ხელისუფლების წარმომადგენლებს აღმშენებლობის რესურსი არ აქვთ“, – ამის შესახებ პარლამენტის პირველმა ვიცე-სპიკერმა გიორგი ვოლსკიმ ჟურნალისტებს განუცხადა.

 

ვოლსკის თქმით, ამ ადამიანებს ბევრი ცუდი რამ აქვთ გაკეთებული და ვერც მომავალში გააკეთებენ რაიმე კარგს.

 

„არაფერს რომ არაფერი მივუმატოთ, შედეგად იქნება არაფერი, იმიტომ რომ ძალიან ბევრი ცუდი აქვთ გაკეთებული და მომავალშიც კარგს ვერაფერს გააკეთებენ, გარდა ქაოსისა და დესტაბილიზაციისა. აქედან გამომდინარეობს ჩემი დასკვნაც, მაგრამ არის მეორე ნაწილიც, რომელიც საზოგადოებამ და განსაკუთრებით ახალგაზრდა თაობამ უნდა გაითავისოს, რომელსაც იმ წარსულთან, იმ ცოდვის კალოსთან, რაც ჩვენს თავზე დაატრიალეს, ემოციური კავშირი არ აქვს. ეს არ არის პოლიტიკური ძალა, რომელსაც აღმშენებლობის რესურსი აქვს; ეს არ არის პოლიტიკური ძალა, რომელიც სტაბილურობას შეინარჩუნებს და განავითარებს; ზედმეტია ლაპარაკი დემოკრატიული ინსტიტუტების გაძლიერებაზე. არჩევნებში ეს რეალობა კიდევ უფრო ნათლად გამოჩნდება“, – განაცხადა ვოლსკიმ.

წყარო : wyaro
right_banner
არქივი
right_banner