logo_geo
eng_logo
ნინო გოგუაძე: თბილისის მერიის საუკეთესო ინციატივაა შეჩერებული მშენებლობების საკითხის მოწესრიგება
- +

11 სექტემბერი. 2019. 17:59

 

 

 

 „თბილისის მერიის საუკეთესო ინციატივაა - საჯარო-კერძო პარტნიორობით ქალაქის ურთულესი პრობლემის - შეჩერებული მშენებლობების საკითხის მოწესრიგება“, - ამის შესახებ საპარლამენტო უმრავლესობის წევრი ნინო გოგუაძე აცხადებს.

 

„ადვილი წარმოსადგენია რამდენ ადამიანს გაახარებს თბილისის მერიის და კომპანია „m2“-ის შეთანხმება, რითაც ხელი უნდა შეუწყონ თბილისში სამ მისამართზე - მირცხულავას ქუჩის #9-11, ნუცუბიძის ქუჩის # 125ა და ჭყონდიდელის ქუჩა #22 შეჩერებული მშენებლობების დასრულების პროცესს.

 

წლების მანძილზე საკითხი მოუგვარებელ პრობლემად გამოიყურებოდა და ათასობით დაზარალებული ადამიანი მშენებლებთან დაუსრულებელ მოლაპარაკებებში იყო ჩართული. დღეისთვის კი, ამ პროექტით, რომელიც 30 საცხოვრებელ ბლოკს აერთიანებს, 2500 მაცხოვრებლის საკითხი უკვე გადაწყვეტილია და მობინადრეები საცხოვრებელ სახლებს ელოდებიან“, - განაცხადა ნინო გოგუაძემ.

 

შეგახსენებთ რომ თბილისის მუნიციპალიტეტსა და დეველოპერულ კომპანია „m2 უძრავი ქონებას“ შორის, ურთიერთთანამშრომლობის მემორანდუმის გაფორმდა.  დოკუმენტის ფარგლებში, მხარეებმა გამოთქვეს მზადყოფნა, კომპეტენციის ფარგლებში, ხელი შეუწყონ სამშენებლო კომპანია „სვეტის“ მიერ დაზარალებული მოსახლეობის წინაშე არსებული ვალდებულებების შესრულებას, დაუმთავრებელი მშენებლობების დასრულების გზით. კერძოდ, მშენებლობა დაიწყება პროექტების შეთანხმებისა და სამშენებლო ნებართვების აღებისთანავე. მშენებლობა დასრულდება ნებართვების აღებიდან სამი წლის ვადაში.

 

right_banner right_banner
არქივი
right_banner