logo_geo
eng_logo
„მედიაცენტრი მთავარის“ განცხადება პრესკლუბში შეჭრასთან დაკავშირებით
- +

22 ნოემბერი. 2019. 19:30

 

„მედიაცენტრი მთავარი“ ემიჯნება ძალადობის ყველანაირ ფორმას. ჩვენთვის მიუღებელია როგორც სიტყვიერი, ისე ფიზიკური შეურაცხყოფა და არ ვამართლებთ ძალადობის არანაირი მეთოდებით. ის, რაც დღეს „მედიაცენტრ მთავარის“ ოფისში მოხდა, ყოველგვარი გამოხატვისა და სიტყვის თავისუფლებას სცილდება. „მედიაცენტრი მთავარი“ არის კერძო ორგანიზაცია, გარდა ამისა, ოფისში, სადაც დღეს ოპოზიციური პოლიტიკური პარტიის წარმომადგენლები შემოიჭრნენ, განთავსებულია სხვა დაწესებულება. აღნიშნული ქმედებით შეილახა და დაირღვა იმ ადამიანთა უფლებები, რომლებიც აღნიშნულ დაწესებულებაში მუშაობენ და არანაირი კავშირი აქვთ „მედიაცენტრ მთავართან“.

 

მივმართავ ყველა პოლიტიკური პარტიის ხელმძღვანლს, „მედიაცენტრი მთავარი“, როგორც მედიასაშუალება, ღიაა ნებისმიერი ადამიანისთვის თუ პოლიტიკური პარტიისთვის, ვისაც პრესკონფერენციის ჩატარება სურს და თქვენ არაერთხელ ყოფილხართ „მედიაცენტრი მთავარის“ სტუმრები, თუმცა, ის, რაც დღეს ჩვენს ოფისში, კერძო დაწესებულებაში მოხდა, როცა პრესკონფერენციას მართავდა პარლამენტის წევრი მერაბ ქვარაია, სცილდება ყველანაირი გამოხატვის ფორმას.

 

კიდევ ერთხელ გთხოვთ, ნუ გასცდებით სამართლებრივ ფორმებს, მით უმეტეს, როცა საუბარია კერძო ორგანიზაციაზე და მედიასაშუალებაზე. ქვეყანაში დაცული უნდა იყოს გამოხატვის თავისუფლება, ისევე, როგორც ინფორმაციის გაცემისა და მიღების უფლება!” - ნათქვამია „მედიაცენტრი მთავარის“ განცხადებაში.

შეგახსენებთ, რომ „მედიაცენტრ მთავარში“ დღეს, ოპოზიციური პარტიის წარმომადგენლები იმ დროს შეიჭრნენ, როცა პარლამენტის წევრი, ზუგდიდის მაჟორიტარი დეპუტატი „ქართული ოცნებიდან“ მერაბ ქვარაია პრესკონფერენციას მართავდა. დეპუტატი პარლამენტის არჩევის მაჟორიტარული სისტემიდან პროპორცულ სისტემაზე გადასვლის საკითხზე საუბრობდა.

right_banner right_banner
არქივი
right_banner